អន្តរជាតិ៖ យន្តហោះដឹកទំនិញដ៏ធំបំផុតរបស់ពិភពលោក ដែលជារបស់អ៊ុយក្រែនផលិត ឈ្មោះAntonov-225 Mriya ត្រូវបានដុតបំផ្លាញនៅក្នុងការវាយប្រហាររបស់រុស្ស៊ីលើអាកាសយានដ្ឋាន Hostomel ក្បែរទីក្រុងKyiv។ នេះបើតាមការបញ្ជាក់របស់ រដ្ឋមន្ត្រីក្រសួងការបរទេសអ៊ុយក្រែននៅលើទំព័រ Fabebook របស់ខ្លួន។

ក្រុមហ៊ុនផលិតសព្វាវុធរបស់រដ្ឋអ៊ុយក្រែន Ukroboronprom បាននិយាយថា ដើម្បីជួសជុលយន្តហោះនេះឡើងវិញ នឹងត្រូវចំណាយអស់ជាង ៣ពាន់លានដុល្លារ និងប្រើពេលយូរ។

យន្តហោះធំជាងគេលើពិភពលោកនេះឈ្មោះថា Mriya ដែលមានន័យថា សុបិនជាភាសាអ៊ុយក្រែនត្រូវបានសាងសង់នៅសហភាពសូវៀតក្នុងឆ្នាំ១៩៨៨ ដែលយន្តហោះនេះត្រូវបានផលិតឡើងដើម្បីទុកដឹកជញ្ជូនទំនិញផ្សេងៗ៕